Научниците тестирале дали преференцијата на зачинета храна е поврзана со нивото на тестостерон кај мажите. И секако, мажите со највисоко ниво на тестостерон, биле најголеми фанови на чили сос. Тука се наметнува прашањето, дали истото важи и за жените.
Детали на истражувањето
Бил анализиран односот помеѓу зачинетата храна и ендогениот тестостерон. Вклучени биле 114 мажи на возраст од 18 до 44 години. Тие требало да ги одредат нивните преференции во врска со зачинета храна, а потоа биле замолени да дегустираат пире од компири со бибер сос и сол (контролна супстанција) и да ја оценат зачинетоста.
Корелацијата помеѓу ендогениот тестостерон и количината на лут сос кои лицата доброволно и спонтано го додавале во храната била позитивна. Спротивно на тоа, не биле забележани значајни корелации меѓу тестостеронот и солената храна.
ЕНаука.мк e проект во кој главната движечка сила се лица со хендикеп и негови главни цели се враќање на интересот за науката и технологијата во нашите домови, институции и медиуми, како и да докаже дека вистинското место на лицата со хендикеп е во македонската наука и економија. Редовното посетување на нашиот портал, споделувањето и дискусија на интересните статии ќе овозможи одржливост на овој проект и ќе поттикне други слични идеи од кој бенефит би имало целото општество.
