Новото истражување од институтот „RPI“ на приватниот истражувачки универзитет во Трој, Њујорк сугерира дека нашата галаксија е околу 50 проценти поголема отколку што мислевме, опфаќајќи 150 илјади светлосни години, наместо 100 илјади колку што е општо прифатено.
Како е можно дури сега да откриеме дека цело време сме ја грешеле нејзината големина? Изгледа дека она што научниците мислеле дека се концентрични прстени на ѕвезди околу центарот на нашата галаксија, всушност се концентрични бранови, што значи дека галаксијата не завршува онаму каде што научниците сметале, туку всушност се бранува, оди нагоре-надолу“, истакнуваат научниците од институтот.
„Во суштина, откривме дека дискот на Млечниот Пат не е само прав мазен диск со ѕвезди, туку е брановиден“, велат д-р Хејди Њуберг, водачот на истражувачкиот тим.
Истражувањето, објавено во „The Astrophysical Journal“, се заснова на внимателна анализа на податоците од „SDSS“ , збир на астрономски набљудувања од опсерваторијата „Apache“ во Ново Мексико, при што е направена најдеталната три-димензионална слика на универзумот.
