Иако на прв поглед ова звучи како измислен наслов, и иако секој нормален човек би помислил дека ова е невозможно да му помине незабележано на гигант како „Google“, а и на сите медиуми, посебно кога се наведува и наводната поддршка на Доналд Трамп, сепак вистината е поинаква и лажниот „Google“ постои и може да се посети.
Таканаречениот лажен „Google“ го откри тимот на интернет порталот „Thenextweb.com“ кој забележал чуден трафик на нивниот аналитикс.
Разликата меѓу обичниот „Google“ и лажниот е во првата буква на домејнот. Домејнот на вистинскиот „Google“ е „google.com“, а на лажниот „ɢoogle.com“, ова што наликува на буквата G e всушност уникод симбол за мало Г на латиница.
Иако сите ќе ве предупредат да не го посетувате сајтот бидејќи може да е полн со вируси, наш предлог е ако веќе го посетите за да се уверите дека постои не кликајте на ништо на сајтот каде ќе бидете редиректирани.
