Оваа комета била интересна од две причини. Прво, зотоа што таа не припаѓа на ниедно познато семејство на комети. Најголемиот број на комети што „SOHO“ може да ги види припаѓаат на семејството „Kreutz“ – кои настанале после распаѓањето на една гигантска комета пред многу векови. Второ, мнозинството комети кои доаѓаат толку блиску до Сонцето што се видливи за „SOHO“, не го преживуваат патот. Оваа комета се приближила на 2,2 милиони милји до површината на Сонцето, но успеала да го помине патот неоштетена.
Откако „SOHO“ беше лансирана во 1995 година, успеа да открие најмногу комети воопшто досега. Ова е 2 875 откриена комета. Сепак, вакви комети што не припаѓаат на ниедна група, „SOHO“ гледа само неколку пати годишно.
Погледнете го видеото за да видите како кометата лета околу Сонцето. Кон крајот на видеото кога кометата почнува да формира опашка се појавува ерупција од соларен материјал што се нарекува коронална експлозија.
