Ако се докаже ефикасноста и кај луѓе, оваа состојка ќе може да се користи како неинвазивен третман за умерени форми на катаракта.
Научниците првпат ги откриле овие својства на ланостеролот преку опсервација на две деца од Кина, кои имале наследна форма на катаракта. После детално истражување било откриено дека децата имаат иста мутација која го блокира создавањето на ланостеролот. Нивните родители не развиле катаракта, бидејќи кај нив не била присутна мутацијата, што укажувало на тоа дека природниот стероид има голема улога во спречувањето на катарактата.
Научниците направиле серијата испитувања на леќи од човечки очи во лабораториски услови, на зајаци и кучиња. Резултатите покажале дека во сите случаи, со помош на ланостеролот, катарактата била значително намалена, или потполно исчезнала.
Катарактата претставува водечка причина за слепило насекаде во светот. Се развива поради неправилно таложење на протеините во леќата, што доведува до заматување на леќата и намалување на видот. Иако може да се јави како наследна форма, како во случајот со децата од Кина, научниците не се во потполност сигурни што ја предизвикува катарактата. Но во најголем број од случаите поврзана е со стареењето.
Засега, единствен третман за катаракта е хирушко отстранување на леќата и замена со вештачка леќа.
Иако се’ уште не е во потполност јасно како делува ланостеролот, научниците веруваат дека овој стероид го спречува таложењето на протеините во леќата.
И покрај тоа што се’ уште не се направени тестирања на луѓе, научниците сметаат дека истите резултати ќе ги добијат и во клиничките испитувања.
Истражувањето е објавено во списанието „Nature“.
