Новиот бел ласер може да го замени LED осветлувањето

Оваа технологија би можела да се примени кај сите видови на осветлување, кај компјутерите, телевизиските екрани, па дури и следната генерација на „Wi-Fi“.

Обично, полупроводниците можат да произведат само една бранова должина, а со тоа и една боја. Тимот на научници од Универзитетот во Аризона успеале да создадат полупроводник во три сегменти, со нано димензии, при што се создадени три бои – црвена, зелена и сина. Научниците успеале успешно да ги искомбинираат сегментите преку варијации на температурата, како и контрола на други фактори и притоа откриле дека со толку мали димензии, полупроводничкиот лист изнесува само една петина од дебелината на човечкото влакно. Добиениот бел ласер, односно бела светлина се смета за комплетна мешавина од сите бранови должини на видливиот спектар.

Белиот ласер е само еден дел од тоа што овој нано проводник може да го направи. Може да користи повеќе бои од LED осветлувањето, што значи дека буквално може да се употреби насекаде, од вашата лампа над креветот, до фаровите на автомобилот. Исто така, би можело да доведе до подобрување на брзината на „Li-Fi“ – технологија каде што LED осветлувањето се користи за уредите да се поврзат на интернет (систем базиран на ласер кој има потенцијал да биде 10-100 пати побрз од се што е создадено со LED диодите, што пак е 10 пати побрзо од денешните Wi-Fi конекции).

Иако се’ уште постојат пречки кои треба да се надминат, ова претставува првиот чекор кон возбудливи иновации. Во иднина, научниците сакаат да експериментираат користејќи електрична енергија, наместо светлина. Истражувањето е објавено во „Nature Nanotechnology“.