Во Австралија е откриен досега најголемиот отисок од стопало на диносаурус кој е долг 1.75 метри
Отисокот му припаѓа на сaуропод, диносаурус тревојад со долг врат. Забележен е на полуостровот Дампиер во западна Австралија.
По своите димензии овој отисок го надминува досегашниот најголем отисок што беше откриен минатиот јули во Боливија, долг 115 сантиметри, а му припаѓал на диносаурус месојад.
Новооткриениот отисок е уште еден во низата извонредни откритија забележени во овој регион кој научниците го нарекуваат и „Австралиски Јура парк“.
На полуостровот Дампиер досега се откриени повеќе од дваесет отисоци од диносауруси, како и неколку карпи стари околу 140 милиони години, се наведува во соопштението од Универзитетот во Квинсленд.
Стив Салисбури, водач на истражувањето кое трае веќе пет години вели дека ова е единствено откритие. Тој и неговиот тим исто така успеале да ги откријат првите потврдени докази за постоењето на стегосауруси во Австралија.
