Научниците со децении верувале дека сите отровни змии во Западна Австралија припаѓаат на ист вид. Сепак, при едно неодамнешно истражување кога направиле споредба со повеќе од десетина локални змии, од Западна Австралија и Северната област, откриле дека отровната змија Кимберли или „Acanthophis cryptamydros“ претставува посебен вид на отровница.
Змијата е со должина од околу 50 см. и главата и е во форма на дијамант. Има повеќе заеднички особини со пустинските отровни змии, отколку со нејзините најблиски генетски роднини кои обично живеат во шумиските предели.
Овие змии имаат исклучителна способност за камуфлажа и може да изгледаат како камен или куп лисја. Како и сите змии кои се екстремно отровни, така и оваа змија е предатор кој мирно лежи пред да го нападне својот плен. Омилен плен им се птици, гуштери и помали цицачи.
Се смета дека оваа змија е многу ретка и спаѓа во 10-те најотровни змии во светот.
Студијата е објавена во списанието „Zootaxa“.
