Поместувањето на часовниците за еден час понапред предизвикува здравствени проблеми

Во последната недела од март започнува летното сметање на времето. На 26ти март во 02 часот по полноќ стрелките на часовникот ќе се помрднат за еден час напред.

Според податоците на неодамна објавената студија во едно списание за научна психологија, денот после преминот во летно сметање на времето, федералните судии имаат тенденција да даваат во просек пет отсто затворски казни, отколку во неделата пред или после.

Научниците тврдат дека дури и помалите пореметувања на основа на спиењето можат да имаат значајни последици.

“Нашата студија сугерира дека наглите, па дури и малите промени во ритамот на спиењето може да имаат штетно влијание”, вели Amneet Sandhu од Универзитетот во Колорадо, чија студија на болнички податоци открила 25 проценти покачување на бројката на срцеви удари во понеделникот, еден ден по почетокот на летото заштеда на време.

Летното сметање а времето, кое оваа годиа трае до 29ти октомври, усвоено е за време на втората светска војна како мерка за заштеда на електрична енергија. Логиката била дека подолгото траење на денот значи дека луѓето ќе поминуваат помалку часа под вештачка светлина.

Практиката се стабилизирала во Северна Америка и Европа, но не и во повеќето земји од светот. Но, студиите досега покажале дека, воглавно промената на сметањето на времето нема некое значење во заштедата на електрична енергија.

Укинувањето на летното сметање на времето, односно враќањето на зимско сметање, во САД е можно само со законодавна одлука на американскиот Конгрес. Сојузните држави не се должни да преминат на летно сметање на времето, но се обврзани од декември до март да го практикуваат стандардното зимско сметање на времето.

Законодавците во некои сојузни држави веќе се обидувле да воведат закони за целосно да се укине летното сметање на времето, но до сега тоа резултирало со успех само во Аризона и на Хаваите.