Симптоми на биполарно растројство

Биполарното растројство или уште познато како манична депресија е ментална состојба која предизвикува екстремни промени во расположението, заедно со флуктуации на енергијата и нивото на активност.

Ова е сериозна ментална болест која ја ограничува способноста на пациентот да ги извршува секојдневните обврски и има потенцијал да ги уништи и професионалните и личните односи со другите лица.

Според Американското здружение на психолози, во некои тешки случаи, емоционалната нерамнотежа може да доведе до размислување и обиди за самоубиство.

Постојат две категории на симптоми кај оваа болест и тоа:

Симптоми на манична епизода, кои вклучуваат:

• Чувство на еуфорија
• Зголемено чувство на самодоверба
• Привремено нарушување на правилното пресудување
• Брзо зборување проследено со брзо размислување
• Впуштање во високо-ризично однесување, вклучувајќи и агресија
• Лесно одвлекување на вниманието, расеаност

Симптоми на депресивна епизода, кои вклучуваат:

• Чувство на празнина и очај
• Напади на екстремна тага
• Несоница и други проблеми поврзани со спиењето
• Самоубиствени мисли, во екстремни случаи
• Вознемиреност поради мали нешта
• Необјаснив замор и неостаток на волја за да се извршуваат секојдневните активности