Астрономите за прв пат сведочеа како ѕвезда со големина на Сонцето е целосно распарчена и уништена од страна на супермасивна црна дупка. Парчињата од ѕвездата формирале диск околу црната дупка, пред да исчезнат зад хоризонтот. А оние остатоци кои не биле проголтани од црната дупка биле исфрлени во вселената со големи брзини од страна на моќните магнетни полиња, во форма на млазови од плазма. Оваа спектакуларна смрт на ѕвездата им овозможила на научниците, со помош на оптички и радио телескопи, во невидени детали да го набљудуваат процесот на хранење на црната дупка, кој во случајов се одвивал многу побрзо, односно за само неколку недели. Супермасивната црна дупка е наречена „ASASSN-14Li“ и е оддалечена околу 300 милиони светлосни години. Таа е најмалку милион пати помасивна од Сонцето. Истражувањето е објавено во „Science“. https://www.youtube.com/watch?v=hu6hIhW00Fk
