Хроничната изложеност на ултравиолетови зраци предизвикува ослободување на ендорфин– хормон на среќата. Ендорфинот се ослободува најчесто при интензивно вежбање. Има слично дејство како хероинoот и морфиумот.
Експериментот е направен врз лабораториски глувци, но истражувачите веруваат дека наодите се релевантни и за луѓето, поради сличноста на кожата. Глувците биле изложени на УВ-зраци. За една недела, регистрирано е зголемено лачење на ендорфинот. По престанокот, глувците покажувале симптоми на одвикнување од зависност (треперење, тресење и стегање на забите). Лекувани се со ендорфин- блокатори.
Изложеноста на УВ зраци преку сончањето е главен фактор за рак и меланоми на кожата. Кумулативна штета е предвременото стареење на кожата.
Освен желбата за исончан тен и убавина, постои и друга причина поради која свесно се изложуваме на сонце. Сепак, пред официјално да биде категоризирано како зависност, треба да се продолжи со научни истражувања.
