Самото истражување е извонредно, но подеднакво значаен е и фактот дека Ту е првиот научник кој добил Нобелова награда за истражувања направени во кинеска институција – и покрај фактот дека во Кина се обучуваат повеќе научници и инженери од која било друга нација на Земјата.
Всушност, Кина сега троши повеќе пари на истражувања и развој отколку Европа, и се предвидува дека до 2020 година ќе ги надмине и САД. Но, и покрај големите инвестиции, причината поради која кинеската наука заостанува зад другите во светот е нејзината историја на несигурни истражувања. Не е тајна дека кинеските научници фалсификувале фосилни записи, ги поместувале границите на модифицирање гени кај луѓето и често пати биле вклучени во лажни проценки на научните трудови и истражувања. Проблемот не е во кинеската наука, туку во кинеската култура на истражување.
Но, нивната култура започнува да се менува и Кина сега наводно е фокусирана на промена на нејзиниот лош углед и издавање на квалитетни научни изстражувања. Во текот на изминативе две години, Кина спроведе одлични реформи и иако се’ уште има проблеми во системот и научните институции, се труди да ги надмине. Националната фондација за наука на Кина ги охрабрува научниците да ги објавуваат своите истражувања во списанија со отворен пристап и го зголемува буџетот за финансирање на истите.
Овој притисок кон транспарентност во областа на науката и квалитетот на истражување би требало да ја промени нестабилната култура на истражување, и со тоа Кина да се приклучи на земјите кои најмногу придонеле за развојот на човештвото.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
