На височина од 650 км, мисијата на „ASTROSAT“ е да им помогне на астрономите за подетално истражување на вселената. Сателитот кој го лансираше Индиската организацја за вселенски истражувања (ISRO), се смета за индиски еквивален на познатиот Хабл телескоп што САД го лансираа во 1990 година.
Според Институтот за фундментални истражувања Тата , со чија помош се направени оптичките инструменти, телескопот „ASTROSAT“ поседува извонредни можности да врши истовремена опсервација на вселенските објекти и феномени во видливиот, ултравиолетовиот спектар и х-зрачењето.
Се очекува телескопот да биде во функција 10 години и за тоа време негова примарна цел е да ги проучува бинарните сончеви системи кои содржат неутронски ѕвезди и црни дупки, да врши проценка на магнетното поле на неутронските ѕвезди, да ги проучува регионите каде се раѓаат нови ѕвезди и високо енергетските процеси надвор од нашата галасија. „ASTROSAT“, исто така ќе детектира и нови извори на х-зрачења и ќе врши ограничени истражувања во далечниот Унивезумот во ултравиолетовото подрачје.
Сепак, иако изгледа како конкурент на познатиот Хабл телескоп , индискиот телескоп во некои аспекти не е толку моќен. Покрај тоа што има уникатна опрема, оваа опсерватотија е помала и намерно направена со помал век на траење, а сликите што ќе ги продуцира ќе бидат со помала прецизност од тие на Хабл.
Успешното лансирње на „ASTROSAT“, ја прави Индија петта сила во светот која испратила вселенска опсерваторија во орбитата, после САД, Русија, Европската вселенска агенција и Јапонија.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
