Ласерскиот радар е нова алатка за следење и мерење на воздухот и загадувачите на воздухот, која ќе следи и анализира загадувачи како што се „PM2,5“ – честички со дијаметар помал од 2,5 микрони кои може да навлезат во белите дробови и му штетат на здравјето. Според Министерството за заштита на животната средина, овие честички се најголемите загадувачи на воздухот во 74 градови во текот на првата четвртина од годината.
„Радарот има тесен зрак, одлична насоченост и отпорност на електромагнетни елементи. Може да следи речиси се’ во воздухот што влијае на нашето здравје“, вели Сонг Јубин, експерт за радари од Институтот во Пекинг, каде што се развива опремата.
Радарот е помал од досегашната опрема и користи помалку енергија, што значи дека може лесно да се монтира на возилата, бродовите, авионите, па дури и сателитите.
