Кога зборуваме за работи кои се неизмерливо големи, најпрво помислуваме на универзумот. Но, сепак имаме нешто толку големо на нашата планета , а тоа се океаните. Тие зафаќаат 95 проценти од просторот за живеење на планетата, и во нив може да се сокријат 20 статуи на Вашингтон наредени една над друга.
Во видеото подолу истражуваме што точно значи да се има нешто што е длабоко 11км (или 7 милји).
Започнуваме со малите работи, со луѓето, слоновите и најголемите бродови некогаш изградени, и доаѓаме само до 100 метри под површината, каде што и нуркањето може да е смртоносно доколку немаме познавање.
Значи, во водната површина од 11 км, ние луѓето можеме да ги доживееме само првите 100-тина метри. Сепак постојат исклучоци, како што е Херберт Нич, кој стигнал до 214 метри надолу во еден здив.
Максималната длабочина за нуркање на сините китови е 500 метри. Доколку сметате дека ова е импресивно, замислете дека нешто мало како што се пингвините може да достигне дури и 535 метри во длабочина.
Доколку одиме уште 1.000 метри подолу, ќе стигнеме до она што во видеото се нарекува „страшна зона“. Зошто? Бидејќи во следните 10 км е толку темно, и притисокот е толку интензивен, што е исто како да застанеме на површината на Венера и инстантно да умреме.
Во таа „страшна зона“ живеат гигантските сипи. Но, и тоа не е толку импресивно бидејќи водните желки од видот „Dermochelys coriacea“ може да нурнат и до 1.280 метри.
Доколку дојдеме до 2.000 метри подолу животот станува малку чуден. Исто така, постојат и епски битки помеѓу китовите и огромните сипи, кои може да пораснат до 14 метри во должина и 750 кг во тежина.
Продолжуваме до 4.267 метри што е просечната длабочина на океанот на Земјата. А помислете дека се’ уште ни преостануваат 6.733 метри.
Погледнете го видеото кое ќе ви даде увид на овие неверојатни длабочини, а ние ќе кажеме само уште нешто: доколку го пуштиме Монт Еверест во најдлабокиот дел на океанот, тој нема да дојде ни блиску до дното.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
