Овој нов вид ровчица е наречен „Macroscelides micus “. Живее во стари вулкански формации на Нигерија и има црвено крзно што му помага да се вклопи во бојата на карпестата околина во која живее-вели Џон Дамакер ,еден од тимот научници кои се заслужни за ова откритие.
Ова суштество со тежина до 28 грама и должина од 19 сантиметри заедно со опашот, во својата ДНК покажува сличности со многу поголеми цицачи.
„Изгледа дека ова суштество, што личи на ровчица која се развила во Африка, е во многу поблиска врска со слоновите“-вели Дамакер.
Ова ги изненади научниците кои велат дека единствена видлива врска на овие мали ровчици со слоновите е носот во облик на сурла.
Издолжената муцка е заедничка одлика на повеќе видови ровчици и надворешно тие многу наликуваат на долгоносестите глувци .
Но ровчиците не можат да се класифицираат како глодари.
Дамакер ги поврзува новооткриените цицачи со антилопите според физикусот и навиките за спиење, а со мравојадите според ловечките вештини и пленот што го преферираат.
Исто како и антилопите и овие суштества имаат долги и витки нозе во однос на големината на телото и повеќе преферираат да спијат под грмушки отколку да се закопуваат. Како и мравојадите, со својата издолжена муцка ја раскопуваат земјата во потрага по мравки и други инсекти.
Биолозите планираат наскоро да се вратат во Африка и да постават околувратници со минијатурно радио на новооткриените цицачи, со цел да откријат повеќе за нивните животни навики.
Досегашните наоди беа објавени во „Journal of Mammalog“.
