Истражувачите од Универзитетот во Јужен Квинсленд имаат развиено онлајн програма наречена „Second Life“ чија цел е да ги едуцира произведувачите на шеќерна трска за климатските промени, заштита на животната средина и најновите земјоделски техники.
Во едукативните видеа, виртуелни фармери дискутираат на одредена тема, на пример како да се намали потрошувачката на вода и фертилизацијата.
Идејата е да се поттикне свеста кај земјоделците за новите технолошки алатки за зголемување на производството и исто така да се зголеми свеста за потребата од заштита на водните ресурси, особено во сушни области. Истражувачите велат дека одзивот на земјоделците е добар.
Пилот-програмата вклучува и хумор елементи, за да биде поинтересна за земјоделците од сите возрасти. Досега има одзив од околу 400 австралиски произведувачи на шеќерна трска.
