Овој вид е во опасност од истребување и според проценката од Црвениот список на МСЗП има само уште 2000 единки во светот.
Ова слатко суштество е експерт за криење. Забележани се само 29 единки во текот на повеќе од три децении. Сега, Веидонг Ли успеал повторно да го забележи на карпите и направил неколку фотографии.
Меѓутоа, ова не е првиот пат кога Ли го видел ова суштество. Прв пат го забележал во 1983 година, а две години подоцна успеал да фати едно при што официјално било прогласено за нов вид. Животното живее на висока надморска височина помеѓу 2800 и 4100 метри, според „National Geographic“ и се храни со трева, билки и други растенија.
Пописот од 2005 година проценува дека „Ili pika“ повеќе не се наоѓа на 57% од претходните живеалишта. „Овој мал вид може да биде истребен во секое време“, изјави Ли за „CNN“. „Јас го открив и гледам како се истребува. Доколку се случи тоа, ќе се чувствувам многу виновно“, вели тој.
Нивното истребување најверојатно се должи на зголемувањето на притисокот за пасење и загадувањето на воздухот. За жал, нема познати мерки за заштита. Ли се надева дека ова негово повторно појавување ќе помогне да се предизвикаат промени и да се преземе нешто за негово зачувување.
