Како изгледа Фукушима 5 години по нуклеарната несреќа?

Технички е невозможно да се изгради 100% безбедна нуклеарна централа. И покрај безбедносните мерки, може да се случи несреќа предизвикана од човечки фактор, технички дефекти или природни непогоди, што резултира со катастрофални последици како по луѓето, така и по природата.

(Прочитајте повеќе – 10 работи кои не сте ги знаеле за нуклеарните несреќи)

Нуклеарната катастрофа во Фукушима беше несреќа во нуклеарната централа предизвикана од цунами, кое пак беше предизвикано од земјотрес на 11 март 2011 година во Јапонија.

Полскиот фотограф Аркадиуз Подниесински отпатувал во Фукушима и ги направил овие неверојатни фотографии кои дури и 5 години подоцна остануваат како остар потсетник за степенот на уништување и страдање на Јапонците во тоа време, како и за страшните последици и опасности од радиоактивниот отпад.

Сликите се направени во областите кои се наоѓаат во портокаловата и црвената зона, односно оние најпогодените и целосно напуштени области. Во црвената зона не се преземаат никакви мерки за расчистување и деконтаминација бидејќи се’ уште има преголемо ниво на радијација. Целиот албум може да го погледнете на следниов линк.

На жителите се’ уште не им е дозволено да живеат во градовите кои се лоцирани во портокаловата зона, но можат да поминат извесно време таму само во текот на денот. Но, повеќето не сакаат да се вратат назад, а наскоро и нема да имаат каде да се вратат.