Кои се причините за мамурлак?

Најчестото објаснување за мамурлакот е дека алкохолот (или етанолот – неговата најчиста форма) делува како диуретик, што резултира со зголемување на производството на урина. Повеќето луѓе забораваат да пијат вода на (или после) забавата, па како резултат на тоа завршуваат со уста сува како пустината Мохаве и тела на кои им недостига хидратација за да можат нормално да функционираат.

Но, истражувањата кои ја испитуваат поврзаноста меѓу мамурлакот и хидратацијата раскажуваат малку поинаква приказна. Според нив, нема никаква поврзаност меѓу високото ниво на хормонот вазопресин, кој е поврзан со дехидрацијата, и степенот на мамурлак. Па, иако повеќето експерти се согласуваат дека дехидрацијата е одговорна за вртоглавиците и жедта, веројатно постојат и други фактори.

ПредходнаСледно

11 Што се случува со телото кога пиеме?

Најпрво, алкохолот се разложува на хемикалијата позната како ацеталдехид, од страна на ензимот наречен алкохол дехидрогеназа (ADH). Потоа, се разложува и ацеталдехидот од страна на ензимот ацеталдехид дехидрогеназа (ALDH). Но, на овие два ензими им е потребен коензим (или поврзана молекула), наречена „NAD+“ која се користи во процесот.  

Проблемот е во тоа што „NAD+“ е потребен за голем број реакции во телото, од апсорпција на глукоза од крвта, па до регулирање на нивото на електролити. Па, недостатокот на „NAD+“ доведува до симптоми слични на мамурлакот. Ова со години беше општоприфатена теорија, а некаде и се’ уште е. Но, проф. Јорис С. Верстер од Универзитетот во Утрехт, во Холандија, ја критикува оваа идеја потенцирајќи дека кај лицата со тежок мамурлак не е откриено ниско ниво на електролити или глукоза во крвта.

Повеќето модерни теории вината не ја префрлаат на самиот алкохол, туку на ацеталдехидот, кој се смета дека е 30 пати потоксичен од самиот алкохол. Во контролирани студии со глувци, откриено е дека предизвикува симптоми како потење, црвенило, гадење и повраќање (ви звучат познато, нели?).

Други истражувања пак, велат дека имунолошкиот систем може да биде голем дел од проблемот.

Сега, добро е познато дека мамурлакот е придружен со значително зголемување на хемикалиите за сигнализација на телото, или цитокини. Зголемувањето на производството на цитокини може да сигнализира треска или инфламаторен одговор како борба против инфекција. Симптомите кои ги имаме за време на треска не се директен ефект на туѓиот организам, туку на обидот на нашето тело да се справи со истиот.

Болка во мускулите, замор, главоболка или гадење, како и когнитивни ефекти – губење на меморијата или иритираност, сите тие се соодветни одговори на телото кога се справува со инвазија на микроби, но може да бидат и погрешен одговор на премногу алкохол.

1. Што се случува со телото кога пиеме?

22 Зошто некои луѓе можат да поднесат повеќе алкохол?

Според Сали Адамс, предавач по здравствена психологија на Универзитетот во Бат, Велика Британија, одговорот лежи во генетиката. Таа го истражувала мамурлакот кај идентични близнаци кои имаат исти гени и кај неидентични близнаци кои делат само 50% од гените. Но, се’ уште не може да се издвојат гените кои се вклучени во мамурлакот, а оние разлики кои биле забележани кај идентичните може да се резултат само на животната средина.

Постои мит дека Азијците не можат да поднесат алкохол бидејќи немаат доволно алкохол дехидрогеназа. Но, всушност, проблемот е тоа што тие побрзо го обработуваат алкохолот, како резултат на една варијанта на генот која побрзо го претвора алкохолот во отровниот ацеталдехид. Покрај тоа, кај речиси половина од Азијците, зголемената акумулација на ацеталдехид ја влошува друга варијанта на ген. Крајниот резултат е побрзо метаболизирање на алкохолот, но и повеќе несакани ефекти за време на пиењето.

И други фактори влијаат на способноста за метаболизирање на алкохолот. На пример, истражувањата покажале дека жените имаат полош мамурлак најверојатно поради тоа што имаат помала телесна маса, односно поради тоа што се послаби. Покрај тоа, некои истражувања покажуваат дека луѓето во нивните 20-ти години имаат помалку последици од алкохолот отколку кога се постари, но за ова постојат конфликти податоци.

2. Зошто некои луѓе можат да поднесат повеќе алкохол?

33 Зошто некои пијалоци предизвикуваат полош мамурлак?

Сите алкохолни пијалоци започнуваат со ферментација и како спореден ефект содржат разни хемикалии (меѓу кои и метанол и ацетилдехид) кои нашето тело ги третира како отрови, а најчестиот симптом за нивна обработка е главоболката. Овие хемикалии може да се отсранат со дестилација, па токму затоа чистите пијалоци, како џин или вотка, предизвикуваат помалку интензивни мамурлаци, за разлика од виното или коњакот.

Но, токму тие нечистотии му го даваат привлечниот вкус и мирис на пијалокот, па колку повеќе ги измешате, толку потешко ќе ги исчистите од телото.

Без оглед на крајната цел, не очекувајте научниците да вложуваат многу пари во одгатнувањето на загатката на мамурлакот. Повеќето од нив сметаат дека постои морална опасност од пронаоѓањето на лек.

3. Зошто некои пијалоци предизвикуваат полош мамурлак?
ПредходнаСледно