Околу 13 милиони страници на декласифицирани документи од Централна разузнавачка агенција на САД (ЦИА) се објавени на интернет, меѓу кои и разузнавачки информации за Македонија, Југославија, како и за повеќе други држави.
Документите вклучуваат и истражувања за НЛО и психички експерименти од програмата „Старгејт“, која одамна е интерес на заговори.
Овој потег следи по долги напори од здруженија кои се залагаат за слобода на информирање и тужба против ЦИА.
Целосната архива е составена од речиси 800 000 датотеки. Тие претходно биле достапни самo на четири физички компјутери кои се наоѓаат во задниот дел на библиотеката на Националниот архив во Мериленд, од 9 до 16:30 часот секој ден.
Во колекцијата можат да се најдат документи од 1940-та до 1990-та година и се однесуваат на раната историја на ЦИА, Студената војна, Виетнам, Проектот берлински тунел, Корејската војна, шпионските авиони У-2, развојот на тероризмот, како и детални извештаи за глобални воени и економски прашања. Но, има и документи кои се однесуваат и на случувањата поврзани со Македонија и Балканот.
Ако напишете macedonia на пребарувачот ќе ви излезат еден куп документи на ЦИА за Македонија и само ако ги прочитате насловите ќе ви стане јасно колку ресурси трошеле Американците уште пред 70 години и какви се не информации собирале Makedразузнавачките служби.
ЕНаука.мк во наредниот период ќе отпочне со серијал на статии под наслов : ТАЈНИТЕ НА ЦИА и ќе се обиде да извлече што е можно повеќе интересни информации посебно за Македонија и регионот.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
