Научниците од Универзитетот во Минесота ја направиле сликата со помош на телескопот „VLA“ и ги искористиле неговите способности за да ја прикажат сликата каква што луѓето би ја виделе доколу нашите очи би биле чувствителни на радио бранови, наместо на светлосни.Своите резултати ги презентирале во “Astrophysical Journal“.
На сликата, црвената боја покажува каде подолгите радио бранови доминираат, а сината пократките. На сликата се забележуваат неколку чудни карактеристики кои астрономите сметаат дека се поврзани со тековниот суддир на галактичките кластери.
Регионот е наречен “Abell 2256“ и се наоѓа на околу 800 милиони светлосни години од Земјата. Научниците го проучуваат веќе повеќе од половина век, а содржи голем број на разновидни објекти чие потекло е нејасно. Регионот на сликата зафаќа површина голема речиси колку полна месечина.
