Научници успеале да одгледаат растенија во услови слични на вселената

Kако дел од проектот “EDEN-ISS” научниците веќе со години се обидуваат да израснат растенија во услови какви што има во вселената. Конечно проектот им е успешен.

Се чини дека човештвото е се поблиску до вселената. Имено, тим од научници на Јужниот пол, најпосле успеа да одгледа три различни растенија без почва, сонце и пестициди. На Neumayer Station III во Германија, поточно се израснати 3,5 килограми зелена салата, 18 краставици и 70 ротквици.

Семето е посадено во средината на февруари, а успехот на научниците е навистина значаен.

До крајот на мај, научниците очекуваат дека неделно ќе произведуваат 4-5 килограми овошје и зеленчук. Иако не им била достапна земја и природна светлина, научниците се послужиле со систем за повторно искористување на вода, нутриционистички состав, ЛЕД осветлување и одредена доза на јаглерод диоксид.

Проектот е започнат со цел да научиме како под услови слични на вселената ќе одгледуваме растенија, за еден ден астронаутите да можат да ги одгледуваат истите на пример на Марс.

Поддржете ја нашата работа: