Австралиски истражувачи решија загатка која повеќе од 100 години ги интригираше научниците. Тие докажале дека стаклото употребено во накитот на египетскиот фараон Тутанкамон е создадено по удар од метеор пред околу 29 милиони години.
Резултатите од студијата се објавени во списанието “Геологија”.
Д-р Арон Кавоси од Центарот за вселенски и планетарни науки “Куртин” ги истражувал ситните честички на минералот циркон, откриени во жолтото стакло на накитот. Анализата покажала дека во овие честички има траги од реткиот минерал, Редит, што може да се создаде само кога метеор ќе удри во површината на Земјата.
“Ова е вечна тема за дискусија, дали стаклото е создадено при удат од метеор или при некаква експлозија во воздухот”, вели Кавоси, додавајќи дека само тие два процеси може да доведат до топење на минералите.
