Навидум празниот простор може да биде преполна крстосница на нематеријални електронски сигнали.
Ова е премисата на „Architecture of Radio“ , изложба за визуелизација на податоците што следниот месец ќе биде претставена во ЗКМ Центарот за уметност и медиуми во Карлсруе ,Германија.Овој интерактивен проект е дело на холандскиот уметник Ричард Вијген , кој креирал апликација за „iPad“ што на корисниците им овозможува да истражуваат т.н. „инфосфера“- термин со кој се опишува средина , многу слична на „биосферата“ , којашто наместо со биолошки организми е населена со информатички единки.
Интересот на Вијген за овој концепт е поврзан со сигналите кои го поврзуваат и жичниот безжиниот систем.Како што вели тој на својата веб-страна „Ние сме потполно опкружени од невидливи системи на кабелски податоци и радио сигнали од приклучните точки , базните станици и стелитите.Нашиот дигитален живот е зависен од овие физички системи за комуникација ,набљудување и навигација“.
Апликацијата функционира како еден вид на засилувач што му овозможува на гледачот да го види овој свет.Сепак , за разлика од повеќето слични апликации тука камерата е потполно инертна , целосно заменета со 3Д приказ од електронските сигнали во опкружувањето. Или како што вели Вијген , апликацијата „ ја визуелизира мрежата од мрежи – ја крие видливата , а ја открива невидливата технолошка позадина , со која секојдневно сме во интеракција преку нашите уреди“.
Ова не претставува само имагинарен , уметнички приказ на дигиталниот свет. „Architecture of Radio“ користи „ GPS“ , за да обезбеди реално време ,визуелизација на сигналите во непосредната околина , базните станици , „Wi-Fi“ рутерите , па дури и за следење на сателитските сигнали.
Една од специфичностите на оваа апликација , барем за време на изложбата е тоа што во приказот е вклучена и мрежната инфраструктура што е вградена во изложбениот простор.
Погледнете го видеото за да видите како изгледа пулсирачката и неправилна конвергенција на сигналите и преносот што овозможува омиленото видео да го добиете на вашиот компјутер.