Последните истражувања покажаа дека луѓето кои користат стратегии за навигација базирани на опашкастото јадро имаат намалена сива материја и пониски оперативни активности во хипокампусот.
Глобално, гејмерите поминуваат три милијарди часа неделно пред нивните екрани. Всушност, се проценува дека просечниот млад човек ќе потроши околу 10.000 часа за игри, до 21 година. Ние сме едвај на почетокот во разбирањето на ефектите од видео игрите.
Зошто е важно?
Истражувањето е спроведено помеѓу група на возрасни гејмери, кои трошат најмалку шест часа неделно на оваа активност.
„За повеќе од една деценија, истражувањата покажаа дека играчите на акциони видео игри имаат подобри визуелни способности и внимание, а нашите наоди уште еднаш ја потврдија оваа идеја”, вели водечкиот автор д-р Григориј Вест од универзитетот во Монтреал. Меѓутоа, гејмерите се потпираат на опашестото јадро во повисок степен од не-гејмерите. Ова значи дека луѓето кои поминуваат многу време играјќи видео игри може да го намалат интегритетот на хипокампусот, водејќи кон зголемен ризик од невролошки нарушувања, како што е Алцхајмеровата болест.
Потребно е да се истражи негативниот ефект на гејмањето врз хипокампусот. Идните истражувања со користење на невровизуелизација ќе се фокусираат на квалификување на сегашните наоди и ефектите од одредени видео игри на интегритетот на системот на наградување и хипокампусот.
