Осамената галаксија „NGC 6503“

„NGC 6503“ е оддалечена само околу 18 милиони светлосни години од нас, во соѕвездието „Змеј“ со што всушност претставува еден од нашите најблиски соседи од нашата локална група. Поради нејзината осамена локација, Стивен Џејмс Омеара во својата книга „Скриени богатства“ од 2007 година,  ја нарекува „галаксијата изгубена во вселената“.

Но, покрај поетска инспирација, оваа галаксија е и предмет на тековни истражувања. Научниците, со помош на телескопот „Хабл“, истражуваат примероци од блиските галаксии, вклучувајќи ја и оваа, за да ја проучат нивната форма, внатрешна структура, како и својствата и однесувањето на нивните ѕвезди.

Претходната слика од оваа галаксија е направена во 2010 година, но оваа нова слика ја покажува „NGC 6503“ со извонредни детали и побогат сет на бои.

 

Поддржете ја нашата работа:
Ви благодариме за секоја ваша поддршка и донација