Истражувањето, објавено во „Scientific Reports“, покажува дека електричните возила емитуваат значително помалку топлина (само 20% од толината што ја емитуваат конвенционалните возила). Оваа разлика би можела да го ублажи ефектот на „топлотен остров“ – феноменот кој ги претвора големите градови како Пекинг во „експрес лонец“.
Покрај тоа, оладувањето, кое ќе биде последица на замената на сите досегашни возила кои се движат на гас со електричните возила, може да значи дека на граѓаните ќе им биде потребно помалку климатизирање на воздухот, што е уште една придобивка за животната средина.
“Кога ќе ги погледнете електричните автомобили, не ја гледате нивната поврзаност со глобалното затоплување. Но кога ќе погледнете со холистички пристап, ќе ја видите големата слика. Топлотните бранови може да не убијат, а кога се работи за климатските промени, дури и еден степен може да направи разлика“, велат истражувачите.
Придобивките од електричните возила за намалувањето на емисиите на стакленички гасови се судруваат со трошоците и загадувањето при производството на истите, што води до дебатата дали тие се најдобрата замена за конвенционалните возила.
