Честа ја има Мариам Мирзахани, професор на Универзитетот Стенфорфд со иранско потекло. Наградата ја добила за нејзината работа за симетрија на криви површини.
Наградата е официјално доделена на 13-ти август на Меѓународниот конгрес на математичари, во Сеул, Јужна Кореја.
Теоријата на Мирзахани е заснована на „чиста математика“, која вклучува теоретско разбирање на симетријата на криви површини и хиперболични објекти, но нејзините наоди, исто така, може да имаат практични импликации во квантната физика.
По дипломирањето на Универзитетот „Шариф“ за технологија во Техеран, Мирзахани заминува на Харвард. Докторира во 2004-та година. Таа живее во Пало Алто, Калифорнија, со сопругот и ќерката.
