Двајца истражувачи од Универзитетот во Британска Колумбија, Канада кои нуркале во близина на заливот Нелсон, северно од Сиднеј, Австралија, успеале да го снимат породувањето на едно морско коњче.
„Ова е прв пат да се сними породување на морско коњче во природата“, велат тие.
Морското коњче е идентификувано како „Hippocampus whitei“ и често може да се забележи во водите во близина на Сиднеј, како и покрај југо-источниот и југо-западниот брег на Австралија.
Морските коњчиња се парат околу 6 месеци во годината, од октомври до март, и притоа мажјаците раѓаат повеќепати (познато е дека мажјаците се оние кои забременуваат) и тоа од неколку десетици до илјада целосно формирани бебиња, од кои за жал само 0,5% ќе преживеат.
Поддржете ја нашата работа:
