Како главни причини за смрт кои се поврзани со загадувањето се наведуваат срцевите и мозочните удари, ракот на белите дробови и астмата.
Истражувачите откриле дека речиси 40 проценти од граѓаните во Кина редовно се изложени на воздух кој според американските и европските стандарди се смета за загаден. Највисоките концентрации на загаден воздух се забележани во околината на Пекинг, Шиѓаџуанг и Тангшан во североисточна Кина.
Седум од десетте градови со најзагаден воздух се наоѓаат во Кина.
Интересно, истражувањето открива дека голем дел од загадувањето на воздухот во Пекинг потекнува од другите индустриски области. Ваквото загадување кое не е од локален карактер може да го „отежне“ подобрувањето на квалитетот на воздухот до Олимпијадата во 2022 година.
„Загадувањето на воздухот претставува најголемата еколошка катастрофа во светот денеска“ – вели директорот на „Berkeley Earth“ и коавтор на студијата Ричард Милер во новиот извештај. „Кога последен пат бев во Пекинг, нивото на загаденост беше на ниво на опасност и секој час изложеност го скратува животниот век за 20 минути. Тоа е како секој маж, жена и дете да пуши по 1,5 цигари секој час“.
Истражувањето ќе биде објавено во следното издание на списанието „PLOS One“.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
