Елизабета Палаги од Универзитетот во Пиза, Италија заедно со нејзиниот тим го истражувала зевањето кај два вида на лемури од шумата Анкоба во јужниот дел на Мадагаскар.
Научниците не биле изненадени кога откриле дека лемурите зевале повеќе кога биле поспани и дека женките и мажјаците зевале подеднакво често. Но, се изненадиле кога откриле дека зевањето е поврзано со нивото на анксиозност. На пример, и двата вида лемури зевале почесто набрзо по опасноста од некој предатор.
Иако, кај некои животни, стресните ситуации се поврзуваат со зевањето, ова однесување најчесто е одложен одговор кој во лабораториски услови се јавувал 30 минути по стресната ситуација. Научниците сметале дека се случува кога животното ќе почне да се опушта.
Палаги смета дека истото се случува и кај лемурите, иако се случува непосредно по стресната ситуација, бидејќи животните во дивината се опоравуваат побрзо. Истражувањето е објавено во „American journal of Primatology“.
