Зошто марихуаната предизвикува глад? Или со други зборови, незаситна глад – храната се претвора во апсолутен приоритет, а вие едноставно не можете да престанете да јадете. Смислувате чудни и прекрасни (и во нормален ден незамисливи) креации и рецепти за да ги задоволите вашите специфични потреби, нешто како бремена жена.
Значи, зошто се случува ова? Што е тоа во марихуаната што ги претвора луѓето во буре без дно?
Науката вели дека овој физиолошки процес не е воопшто едноставен – наместо ослободување на хормони кои го стимулираат гладот, канабиноидите, всушност, се плеткаат со хормони кои го регулираат апетитот, што резултира со потиснување на гладот. Но, тука се јавува ендорфинот и го стимулира апетитот. Очигледно има многу забуни во системот, но крајниот резултат е потреба од храна. Било каква!
Оваа појава им е добро позната на научниците кои ги истражуваат својствата и ефектите на канабоидите и на оваа основа се креирани и неколку синтетички лекови кои ги користат сличните механизми за да предизвикаат вакво дејство.
Ова особено наоѓа примена кај пациентите заболени од тешки болести како рак и леукемија, кај кои болеста предизвикува нагло губење на апетитот и доведува до кахексија – состојба при која се забележува нагло губење на тежина, атрофирање на мускулите, замор и изнемоштеност.
Кахексијата е состојба која се јавува кај преку 60% од пациентите заболени од рак, но исто така е појава која се јавува и кај пациентите заболени од СИДА, ХОП, Туберколоза и некои други болести.
За подетални информации погледнете го ова интересно анимирано објаснување.
