Лозинките може навистина да претставуваат проблем. Оние кои лесно се помнат, може лесно да се погодат, додека оние подолгите и посложените можеби се посигурни, но понекогаш едноставно не може да се запомнат.
Па како тогаш, ако немате посебно познавање на енкрипција, да смислите сигурна комбинација која лесно ќе ја запомните?
11-годишната Мира Моди од Њујорк го има одговорот на тоа прашање и го продава за исклучително прифатлива цена. Мира започнала свој мал бизнис, поточно веб сајт, за кој генерира случајни криптографски безбедни лозинки со помош на коцки и ги испраќа по пошта (во САД се разбира) за само 2 долари.
Моди ги составува лозинките со помош на системот „Diceware“ во кој случајна секвенца на неповрзани зборови се нанижани заедно. Како што објаснува таа на својот сајт, таа врти коцка 5 пати и го запишува секој број што ќе го добие. Потоа го бара тој петоцифрен број во листата на зборови на „Diceware“. Откако тоа ќе го повтори неколку пати, добива комбинација од 6 зборови кои се сосема случајни и непредвидливи, и релативно лесни за помнење со оглед на фактот дека листата на зборови е составена од секојдневни зборови.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
