Бетонот е армиран со рециклирана полипропиленска пластика, а тестовите за цврстина и издржливост покажале дека овој бетон може безбедно да се користи за изградба пешачки патеки, како и полуфабрикатни елементи за канализационите одводи и за бетонските прагови.
Истражувачите сега работаат со локалните производители на бетон на изнаоѓање начини за негова поширока примена. Исто така, тие работаат на создавање на бетон кој ќе биде поодржлив и на други начини, како што е замената на природниот песок со 100% прашина што се добива како нуспроизвод во каменоломите, и замена на цементот со до 30% рударски отпад.
Бетонот е вториот најчесто користен материјал на Земјата. Една од неговите главни состојки – цементот, е одговорна за 5% од вкупната годишна продукција на CO2. Тоа можеби и не изгледа многу во споредба со вкупното количество, но кога би успеале да ги намалиме овие емисии, а во исто време би направиле нешто корисно со стотиците илјади тони пластичен отпад годишно, тоа би било навистина возбудливо. Едвај чекаме да ги видиме новите материјали на дело.
