Пред околу 300 милиони години, огромни ајкули со должина од 8,5 метри (колку една лимузина) пливале по топлите плитки мориња на сегашен Тексас. Најголемите предатори меѓу ајкулите денес, како големата бела ајкула или ајкулата тигар, достигнуваат должина од околу 6 или 7 метри.
Научниците и претходно откривале фосили од големи антички ајкули, но никоја досега не е волку стара, изјави палеонтологот Џон Мејсеј на годишниот состанок на Друштвото за палеонтологија на ’рбетници.
„Ајкули со оваа големина не можат да се забележат се до периодот Креда, што е грубо околу 200 милиони години после периодот кога оваа ајкула пливала во водите на денешен Тексас“, вели Мејсеј.
Ајкулата може да е поврзана со „Glikmanius“ – изумрен вид на ајкула со долго тело и чаталеста опашка која живеела во истото време, но научниците треба да испитаат повеќе примероци за да можат со сигурност да го потврдат тоа.
