Храбрата коза Тимур во кафез со тигар (ВИДЕО)

Сибирскиот тигар Амур, што живее во сафари паркот Приморски во Русија, два пати неделно се храни со живи животни. Едно од нив требало да биде и козата Тимур. Но, козата очигледно имала други намери – да се соочи со тигарот, наместо кротко да ја прифати својата судбина.

Козата почнала да го брка тигарот, што целосно ја збунило големата мачка. Згора на тоа, како што пишува „NBC“, уморната Тимур решила да се одмори во засолништето наменето за Амур. Амур кој се чини достоинствено го примил ова понижување спиел четири ноќи на кровот од засолништето и сега двете животни се во цврсто пријателство.

Тимур го следи Амур насекаде, веројатно несвесна за потенцијалната опасност. Вработените во паркот, импресионирани од храброста на козата ја нарекле Тимур според ликот на едно храбро момче од детска книга многу популарна во времето на Советскиот Сојуз.

Сибирскиот тигар, кој спаѓа во загрозените видови, не е познат по својата пасивна природа. Минатата година, два млади тигри, кои биле пуштени во дивината од страна на претседателот Владимир Путин, ја преминале границата со Кина и направиле пустош убивајќи десетици кози и кокошки.