Новиот неуросинаптички чип наречен „TrueNort“, содржи 5,4 милијарди меѓусебно поврзани транзистори кои ги имитираат неуроните и синапсите во човечкиот мозок. Величината му е колку поштенска марка. Содржи 1 милион неурони и 256 милиони синапси кои можат да се програмираат .
Иако човечкиот мозок содржи 100 милијарди неурони и до 150 трилиони синапси, во „IBM“ велат дека ќе биде возможно новиот чип да се програмира да ја разбира двозначноста на проблемите и да ги решава во реално време, притоа запазувајќи го контекстот.
Исто така, чипот е и многу штедлив. Троши само 70 миливати енергија.
Иакое се уште во експериментална фаза, во „IBM“ велат дака можно е чипот да се најде на пазарот за две до три години.
Чипот „TrueNorth“ би можел да најде примена кај роботите за истражување и спасување, кај софистицираните инвалидски колички или за изработка на транскрипции од дискусии во кои учествуваат повеќе луѓе.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.



























