Британската истражувачка база на Антарктикот повторно се затвора на крајот на летото на јужната хемисфера заради пукнатини во мразот.
Станицата Хели лежи на плутачкиот леден гребен Брунт, кој е расечен со две големи пукнатини,а персоналот од Хели веќе е повлечен оваа зима заради стравување од ширење на пукнатините.
По спроведеното истражување, одлучено е тоа повторно да биде направено како што летната сезона се приближува кон крајот.
“Ние сме сведоци на силата и непредвидливоста на природата”, вели директорот на БАС, проф. Дејм Џејн Франсис.
“Безбедноста на персоналот е на прво место. Бидејќи пристапот со брод или авион во текот на зимските месеци е тежок поради 24-часовната темнина, екстремно ниските температури и замрзнатото море, повторно ќе превземеме мерки на претпазливост и ќе ја затвориме станицата пред почетокот на зимската сезона 2018та”, додава тој.
Велика Британија на гребенот Брунт е присутна од 1956 година. Покрај истражувачката база Ротера, Хели е главно место за британските активности на Белиот континент.
Научниците таму собираат важни податоци за климата и времето, а станицата одиграла клучна улога во истражувањето во кое во 1985 година беше откриена дупка во озонската обвивка, но, операциите отсекогаш биле отежнати заради нејзината позиција на мобилната ледена платформа, која е дебела 158 метри.
За љубопитноста што нè поврзува.
Вашата донација помага науката да стигне до повеќе читатели.
Ви благодариме што ја поддржувате науката на македонски.
