Гуштер што прска крв од очите

Жабовидните гуштери се мајстори за преживување. Тие развиле три ефикасни методи за заштита од грабливците.

Една од основните методи за преживување што ги применуваат овие гуштери е камуфлажата. Тие можат мирно да лежат на почва или во кал посипани со ситни камчиња и постепено да се стопат со околината и да станат незабележителни за набљудувачот. На овој начин се штитат од птиците.

1Но, ова не може да ги спаси од гладните змии. За да се спаси од змиите, овој гуштер применува посебна техника. Тој се подувува и станува двојно поголем, со што ја изненадува змијата. Потоа, овој итар гуштер полека се превртува наопаку, покажувајќи го својот стомак и легнува  вкочанет со испружени нозе. Збунетата змија обично се повлекува после оваа изведба.

2Овие две техники го спасуваат од помалите грабливци, но ако биде нападнат од големо животно, тогаш овој гуштер го употребува своето најефикасно оружје. Кога куче или друго големо животно ќе му се приближи на гуштерот, тој го нишани и го прска со млаз од крв. Вкусот е толку ужасен, што на кучето му треба околу 15 минути да се опорави од нападот.

3Како го прави ова гуштерот?

Гуштерот го редуцира протокот на крв што излегува од главата со што притисокот во главата почнува да расте. Зголемениот притисок предизвикува пукање на крвните садови што се наоѓаат во окото на гуштерот што резултира со прскање на млаз од крв кон грабливецот.

Овој гуштер дури може и да го насочи млазот крв што излегува од неговото око. Млазот може да достигне далечина и до 180 см.

Поддржете ја нашата работа: