Кина прва ја тестира техниката за модифицирање на гени кај човекот

Кинеските научници први во светот внесоа во човек клетки чии гени се генетски модифицирани со помош на техниката „CRISPR/Cas9“ .

Модифицираните клетки биле инјектирани во човек на 28 октомври од страна на тим од доктори од Универзитетот Сичуан во Ченгду, како дел од клиничко тестирање против агресивна форма на рак на бели дробови.

Експертите сметаат дека ова ќе предизвика биомедицинска трка помеѓу Кина и САД.

Техниката за уредување на гените -„CRISPR/Cas9“ во основа функционира како молекуларни ножици. Научниците треба само направат програмирање да се отсечат одредени гени – или да се додадат нови, многу поевтино и побрзо од било која друга претходна метода.

Бидејќи потенцијалите на оваа техника се познати уште од 2012 година, веќе е тестирана на животни, а во јануари годинава беше искористена успешно да се третира болест кај глувци, заболени од мускулна дистрофија. Техниката беше исто така експериментално спроведена на неодржливи човечки ембриони. Но ова е прв пат клетки модифицирани со „CRISPR“ техниката да бидат инјектирани во тело на возрасен човек.

Тестирањето е спроведено во „West China Hospital“, на пациент со агресивна форма на белодробен рак. Истражувачите извадиле имуни клетки од крвта на пациентот и ја употребиле оваа техника за да „исклучат“ еден ген во нив.

Генот што е исклучен претставува „код“ за синтеза на протеинот наречен „PD-1“ кој обично го успорува имуниот одговор на клетките, овозможувајќи му на ракот неконтролирано да расте.

Овие имуни клетки ослободени од „PD-1“, потоа биле култивирани во лабораторија и повторно вратени во телото на пациентот. Целта е овие клетки да се размножуваат во телото и да ги нападнат и уништат клетките на ракот.

Иако е сѐ уште рано, водачот на истражувањето Лу Јоу за списанието „Nature“ изјавува дека првиот третман поминал добро и дека пацентот е спремен за втората инјекција.

Во текот на ова тестирање – кое доби етичка дозвола во јули, научниците имаат за цел да тестираат вкупно 10 лица, со по две до четири инјекции генетски модифицирани имуни клетки.

crispr-dual-editing-method

Ова не се единствените планови за примена на оваа техника кај луѓе. Во САД во подготовка е слично тестирање за разни видови на рак што е планирано да започне во 2017 година – финасирано од основачот на „Napster“, милијардерот Шон Паркер.

Кина исто така има планови за уште три други тестирања за март 2017 година, при што ќе се истражува употребата на „CRISPR“ техниката против рак на простата, бешиката и бубрезите –иако за овие тестирања треба дополнително да се обезбедат средства и етичко одобрување.

Сите овие активности ги наведуваат експертите да веруваат дека сме во средина на нова биомедицинска трка помеѓу Кина и САД, а целта овој пат е ефикасно модифицирање на гените.

Ова прво тестирање од страна на Кинезите ќе се фокусира главно на тоа колку е безбедна оваа техника, но и на тоа дека во наредните месеци ќе може да се види дали методата функционира или не.

Како да е, самиот факт дека сега е возможно да се модифицираат гените кај човекот толку лесно, претставува огромен чекор напред за персонализираната медицина.

Кинесото тестирање се наоѓа во рана фаза и сѐ уште ништо не е објавено во рецензирано списание, но со нетрпение  очеуваме да видиме какви ќе бидат резултатите.

Поддржете ја нашата работа: